|
“Mifankatiava ianareo
tahaka ny nitiavako anareo” ( Joany 15, 12 ) Fiangonana Katolika Malagasy Paris sy Ile-de-France 171 Boulevard Brune – 75 014 PARIS Site : http://www.fkmp.org/ |
|
|
H ISAN-TOKANTRANO |
|
|
Alahady 26 Jolay 2009 |
N° 26 |
|
ALAHADY FAHA 17
MANDAVANTAONA – TAONA B |
|
|
La multiplication des pains Au
désert, notre Seigneur multiplia le pain, et à Can il changea l’eau en vin.
Il habitua ainsi la bouche de ses disciples à son pain et à son vin, jusqu’au
temps où il leur donnerait son corps et son sang. Il leur fit gouter un pain
et un matériel pour exciter en eux le désir de son corps et de son sang
vivifiants. Il leur donna libéralement ces menues choses, pour qu’ils sachent
que son don suprême serait gratuit. Il les leur donna gratuitement, bien
qu’ils eussent pu les lui acheter, afin qu’ils sachent qu’on ne leur qu’on ne
leur demanderait pas de payer le prix du pain et du vin, ils ne pourraient
payer son corps et son sang. Non seulement il nous a comblés gratuitement de
ses dons, mais encore il nous a cajolés avec affection. Car il nous a donné
ces menus morceaux de pain et de vin qu’il a donnés étaient doux à la bouche,
mais le don de son corps et de son sang est utile à l’esprit. Il nous a
attirés par ces aliments agréables au palais afin de nous entraîner vers ce
qui vivifie les âmes … L’œuvre du Seigneur atteint tout : en un clin
d’œil, il a multiplié un peu de pain. Ce que les hommes font et transforment
en dix mois de travail, ses dix doigts l’ont fait en un instant…. De la
petite quantité de pain est née une multitude de pains ; il en fut comme
lors de la première bénédiction : « Soyez féconds, multipliez-vous, emplissent la terre »
(Gn 1,28). |
|
Saint Ephrem (vers 306 – 373) Diacre en Syrie, Docteur de
l’Eglise |
DIMANCHE 26 JUILLET 2009 – MESSE DU 17ème
DIMANCHE
Année B – Couleur liturgique : VERT
|
|
OLONTSAMBATRA – BIENHEUREUX FRERE RAPHAËL – LOUIS RAFIRINGA (1856 –
1919) |
|
& VAKITENY MASINA Voalohany |
|
||
|
Boky
faharoan’ny Mpanjaka |
2 Mpanj. 4, 42 – 44 |
||
|
Tamin’izany andro
izany, nisy lehilahy iray avy any Baala-Salira nitondra mofo natao tamin’ny
santa-bary ho an’i Elisea, olon’Andriamanitra, dia mofo ôrja roapolo, sy vary
vaovao tao an-dasàkany ; ka hoy i Elisea : “Omeo ny olona hohaniny”. Fa hoy
ny navalin’ny mpanompony : “Hatao ahoana no fandroso izany eo anatrehan’ny
olona zato” ? Fa hoy i Elisea : “Omeo ireo olona ireo hohaniny ; fa izao no
lazain’ny Tompo : “Hihinana ny olona ary mbola hisy sisa tsy lany”. Dia
norosoana izy ireo ka nihinana, nefa mbola nisy sisa tsy lany araka ny teny
voalazan’Andriamanitra. |
|||
|
Izany àry ny
Tenin’ny Tompo |
- |
Hisaorana anie Andriamanitra ! |
|
|
& VAKITENY MASINA faharoa |
|
||
|
Taratasin’I
Md Paoly Apôstôly ho an’ny Kristianina tany Efezy |
Efez. 4, 1 – 6 |
||
|
Ry Kristianina
havana, mangataka aminareo aho, dia izaho izay an-tranomaizina noho ny
amin’ny Tompo, mba hanao fitondran-tena mendrika ny fiantsoana niantsoana
anareo ianareo, amin’ny fanetren-tena sy halemem-panahy rehetra, amin’ny
fahari-po, amin’ny fifandeferana, amim-pitiavana ; mikeleza aina hitana ny
firaisam-po amam-panahy akamban’ny fihavanana ; fa tsy misy afa-tsy tena
iray, sy fanahy iray, araka ny niantsoana anareo ho amin’ny fanantenana iray
: tsy misy afa-tsy Tompo iray, finoana iray, Batemy iray, ary Andriamanitra
iray, izay Rain’izy rehetra, ambonin’izy rehetra, manerana azy rehetra, ary
ao anatin’izy rehetra. |
|||
|
Izany àry ny
Tenin’ny Tompo |
- |
Hisaorana anie Andriamanitra ! |
|
|
& evanjely masina |
|
||
|
Evanjely
Masina nosoratan’I Md. Joany |
Jo. 6, 1 – 15 |
||
|
Tamin’izany andro
izany, I Jesoa lasa nankany an-dafin’ny ranomasin’i Galilea, na ny farihin’i
Tiberiady, ary vahoaka be no nanaraka Azy, noho izy ireo nahita ny fahagagana
nataony tamin’ny marary. Dia niakatra tany an-tendrombohitra I Jesoa, ka
nipetraka teo Izy mbamin’ny mpianany. Efa akaiky ny Paka andro lehibe
tamin’ny Jody. Nony nanopy ny masony I Jesoa, ka nahita ireto vahoaka be
nanatona Azy, dia hoy Izy tamin’i Filipo : “Aiza no hividianantsika mofo
hohan’ireo ?” Fantany rahateo ny hataony, fa ny hitsapany azy no nilazany
an’izany. Dia hoy I Filipo taminy : “Na dia mofona denie roanjato aza, tsy
ampy hahazoan’izy ireo sombiny kely avy akory”. Ny anankiray tamin’ny
mpianany koa, dia i Andre rahalahin’i Simôna Piera, nilaza taminy hoe : “Misy
zazalahy anankiray manana mofo ôrja dimy sy hazandrano roa ao : fa ho ampy
inona izany amin’ny olona maro be toy izao ?” Dia hoy I Jesoa : “Asaovy
mipetraka ny olona. Ary nisy ahitra be teo, ka dia nipetraka ny olona, ary
tokony ho dimy arivo no isan’ny lehilahy. Dia nandray ny mofo I Jesoa, ka
nony efa nisaotra dia nizarazara azy tamin’izay nipetraka ary nomeny toy
izany koa ny hazandrano sady nampanaranany fo. Rehefa voky izy
ireo, dia hoy i Jesoa tamin’ny mpianany : “Angony ny sombintsombiny sisa tsy
lany, mba tsy hisy very”. Dia nangoniny, ka nahafeno sobika roa ambin’ny folo
ny sombintsombin’ny mofo dimy sisa tsy lanin’izay nihinana. Nony nahita ny
fahagagana nataon’I Jesoa ireo olona ireo, dia nanao hoe : “Ity tokoa no Ilay
Mpaminany ho avy amin’izao tontolo izao”. Dia fantatr’I Jesoa fa ho avy haka
Azy an-keriny hatao mpanjaka izy ireo, ka lasa indray Izy irery nankany
an-tendrombohitra. |
|||
|
Izany àry no
Tenin’ny Tompo |
- |
Dera anie ho anao ry Kristy ! |
|
|
( fifampizarana |
|
|
HERINTAONA
SAHADY IZAY ! “Indro havaozoko ny zava-drehetra”. Tanteraka
ara-panahy sy ara-bakiteny teto amin’ny Fiangonantsika izany tenin’ny Soratra
Masina izany. Herintaona sahady izao no niasa ny Birao vaovao eto amin’ny
Fiangonantsika. Raha tonga nanolotra Sorona Masina sy nitsodrano ny Birao vaovao, ny alahady 19 oktobra 2008, i
Mgr Xavier RAMBAUD, Vikera Episkôpaly, miandraikitra ireo Fiangonana mpiavy
eto amin’ny Diosezy, sady tao anatin’ny herinandro manokana Fampielezana
finoana dia nankahery ny FKMP. Nampiarina rahateo ny Fitsipika Anaty vaovao
manangana ny Filan-kevitra Pastoraly, itovizana amin’ny Paroasy rehetra eto
amin’ny Diosezy izay manampy sy miara-miasa ny Pretra Solontenan’ny Eveka eto
anivontsika. I Kristy dia tsy miova omaly, anio ary mandrakizay fa ny fomba
fisainana sy ny fomba fiasa no takiana hatrany hiavao hifanahaka bebe kokoa
ny Vaovao Mahafaly. Miezaka mitondra ainga vaovao ny Birao tao anatin’izay
herintaona niarahantsika izay. Miara-miasa sy manampy ny Pretra, ary
manentana ny Filan-kevitra Pastoraly izay eo ambany fitantanan’ny Pretra
rahateo. Ny fiainam-panahy no ezahina voalohany hatsaraina amin’ny
alalan’ireo fanentanana sy fanofanana : Litorizia, Matsom-panahy...Nisy ezaka
vaovao koa ny fanentanna ny tsirairay teo amin’ny fizakana adidy toy ny
Hasin’Andriamanitra (Denier de l’Eglise). Nahitam-bokatra izany. Ho
tsinjovina manokana ireo taranaka madinika ao amin’ny Vaomieran’ny
Kolontsaina eto amin’ny FKMP. Mbola miana-mamindra nefa tsy maintsy talaky
mandeha isika eo ambany fiahian’ny Fanahy Masina. Koa misaotra antsika
rehetra ary mirary fialan-tsasatra mahafinaritra sy mahomby. Manovoza hery
vaovao daholo ho enti-miatrika io taona pastoraly vaovao io. I Kristy no tena
Sakafo mahavita taona. |
|
|
Ny
BIRAOM-PIANGONANA |
|
|
¤ VAOVAOM-PIANGONANA |
|
|
1. |
FILAN-KEVITRA PASTORALY Vita soa aman-tsara tamin’ny alahady 19
jolay teo ny fivorian’ny Filan-kevitra pastoraly ara-potoana sady mamarana
ity taona pastoraly 2008 – 2009 ity.
Mbola misy ihany ny antsipiriany
homena antsika kristianina tsy ankanavaka mba tsy ho tompon-trano mihono. Toy
izao ny famintinana : Samy nanao tatitra jery todika ireo Vaomiera
tsirairay : · Ny Vaomieran’ny Finoana
dia nanao ezaka ho fanatsarana hatrany ny Litorizia eto amin’ny FKMP.
Fanentanana ho fampandraisana anjara ny rehetra satria asam-pokonolona ny
Litorizia ary koa ny fanofanana. Teo ny fanazavana momba ny “Angelus”. Be ny
vokatra, maro ire nandray ny Sakramenta teto main’ny FKMP. Nisy koa ny
fampianarana ireo mpiserivy Lamesa ary mbola hitohy izany. Vita soa
aman-tsara koa ny boky kely fanarahan-damesa amin’ny teny frantsay sy teny
malagasy. Toy izany koa ny akanjon’ny mpiserivy Lamesa. Hitohy ny
fiofanan’ireo mpampianatra katesizy. Nisy koa ny ezaka ho an’ny rakitra
karemy. Teo koa ny Antsam-panahy lehibe nataon’ny Antoko Mpihira
“Feon’Anjomara”, andrin’ny Litorizia rahateo eto amin’ny FKMP. Izy ireo dia
miizaka manentana paroasy frantsay vitsivitsy isan-taona. · Ny Vaomieran’ny
Kolon-tsaina dia nanomboka koa tamin’ny fampitaovana ara-boky ireo zanatsika.
Na dia tery aza ny fotoana dia niezaka hatrany ireo mpanabe sy ny ankizy
namaly ny antso nataon’ny Fiangonana. Mampiavaka ny FKMP ny fananana ity
Vaomiera ity ary maro ny ray aman-dreny · Ny Vaomieran’ny
Fiaraha-Monina dia manohy tsy ankajanona ny fikolokoloana ny fehim-pihavanana
eto amin’ny FKMP na an-kasoavana na an-karatsiana. Novangiana ireo marary ka
nampandre. Nisy ezaka manokana koa momba ireo kambana Malagasy avy any
an-tanindrazana izay nodidiana nosarahina fa niraikitra. Nampiseho
firaisan-kina tamin’izany ny FKMP. · Ny Vaomieran’ny
Fifandraisana dia nanavao ny fitaovam-pifandraisana misy eto amin’ny FKMP.
Nisokatra ny Site vaovaontsika fkmp.org,
nohatsaraina ny endriky ny Isan-tokantrano. Manohy hatrany ny fanisana ny
isan’ny mpiangona sy mandray ireo
kristianina isan’Alahady. Mandray ny anaran’ireo vaovao na ny fisoratana
anarana rehefa misy fihetsika ataon’ny FKMP toy ny Matsom-panahy na Zaika ... · Ny Vaomieran’ny
Fitantanana dia nanavao ny fampitaovana ny FKMP eo amin’ny kojakoja
fanadiovbana, na ny fitantanana ny fitaovam-piangonana. Nanao inventaires ny
fananam-piangonana koa. Nahazo photocipieur vaovao isika. ·
Ny Vaomieran’ny Tanora dia nanao ezaka manokana
teo amin’ny fanentanana ny Matsom-panahy nataon’izy ireo. Fandraisana anjara
amin’ny ezaka ataon’ny Diosezy toy ny Pelerinazy isan-taona any |
|
|
||||||||||||||||||||||||||||||