“Mifankatiava ianareo tahaka ny nitiavako anareo” ( Joany 15, 12 ) Fiangonana Katolika Malagasy Paris sy Ile-de-France 171 Boulevard Brune – 75 014 PARIS Site : http://www.fkmp.org/
H ISAN-TOKANTRANO
Alahady 29 Novambra 2009	N° 39
ALAHADY VOALOHANY AMIN’NY FIAVIANA – taona D
Ny farandro : Fanantenana ho antsika kristianINa Manomboka taona litorijika vaovao isika amin’izao alahady voalohan’ny Fiaviana taona D izao. Ny mikasika ny farandro no aroson’ny Md Lioka ho dinihintsika androany. Tsara ho tsahivina fa ity Evanjely androany ity dia mitovy tamin’ny Evanjely nosoratan’i Md Marka izay novakiana tamintsika tamin’ny Alahady faha - 33 taona mandavantaona B. (tamin’ny alahady tapa-bolana.). Resa-be tsy mety lany ity resaka farandro ity. Ary indraindray dia somary mandrebireby sy mampatahotra antsika mihintsy. Efa hatramin’ny ela no nisaina io farandro io ny olona. Ary amin’izao fotoana izao dia mbola tsy mitsahatra miresaka an’io. Misy ny milaza fa amin’ny 2012 indray no farandro. Mandrebireby antsika satria tsy fantatsika marina izay fotoana hiaviany. Eny fa na dia ny fahafatesana izay farandron’ny tsirairay eto an-tany aza dia tsy fantatra. Rehefa tsy fantatra mialoha moa ny zavatra iray dia manahirana, indrindra ho antsika miaina amin’izao vanim-potoanan’ny fandrosoana izao. Ny hany fantatsika araka ny voalazan’ny Evanjely dia ny famantarana rehefa ho akaiky izy « Hisy famantarana eny amin’ny masoandro sy ny volana ary ny kintana, ary ety an-tany de ho ory sy ho very hevitra ny firenena noho ny fikotrokotroky ny ranomasina sy ny onjany ; ho ankona foana ny olona noho ny fahatahorany sy ny fiandrasany izay loza hanjo an’izao tontolo izao fa hihozongozona ny herin’ny lanitra ». Famantarana mbola manampy trotraka ny fatahorantsika indray koa. Famantarana milaza loza. Ho an’ny vahoaka Israely dia fanafintohinana ho azy ny mandre ireo loza ireo satria ny nampanantenain’ny mpaminany azy teo aloha dia Mesia handresy ny fahavalony , handresy ny fanjakana romanina izay manandevo azy. Very fanahy mbola velona izy ireo. Tsy nisy intsony ny fanantenana. Mpandainga ny mpaminany ho azy ireo. Tao anatin’ny fahakiviana nahazo azy ireo indrindra anefa ny mpaminany toa an’i Daniela (Daniela 7, 13 – 14) no nankahery azy ireo. Nambarany fa tsy maintsy mbola ho avy ilay Andriamanitra mahery. Tsy ny ratsy no tompon’ny teny farany fa Andriamanitra « ny Zanak’Olona ». Toy izany koa i Lioka, nankahery ny kristianina tamin’ny fanenjehana nahazo azy ireo. Nampafantatra fa Andriamanitra irery no tompon’ny ho avy, Izy no hamarana ny tantaran’izao tontolo izao. Mitondra fampanantenana ho antsika noho izany ny farandro na ny apôkalipsa. Tsy zavatra atahorana fa mankahery antsika hitraka raha sendran’ny mafy. Ny hany ataontsika dia ny fiomanana. Anisan’ny fiomanana amin’izany farandro izany (farandron’ny tsirairay sy ny farandron’izao tontolo izao) ny Fiaviana (Avent). Koa mirary Fiaviana tsara ho anareo aho. Enga anie izao taonan’ny Fiaviana izao mba hampitombo hatrany ny finoantsiaka an’i Jesoa Kristy ilay efa tonga ary mbola ho avy.
P. Edmond RAKOTONDRAMANANA, Aumônier

DIMANCHE 29 Novembre 2009 – MESSE DU 1^er DIMANCHE DE L’AVENT

Année C – Couleur liturgique : VIOLET

Jean-Marie VIANNEY 1786 – 1859

TAONAN’NY PRETRA ANNEE SACERDOTALE Du 19 Juin 2009 au 19 Juin 2010 Ho fahatsiarovana ny faha-150 taona ny nahafatesan’i Mompera Jean-Marie VIANNEY, Curé tao Ars. Izay Olomasina mpiaro ny Mompera Curé rehetra. Mandritra izao fankalazana ny taonan’ny Pretra izao dia lasa mpiaro ny Pretra rehetra tsy ankanavaka izy.

& VAKITENY MASINA Voalohany
Bokin’i Jeremia Mpaminany			Jer. 33, 14 – 16
Indro avy ny andro, teny marin’ny Tompo, hanatanterahako ny teny soa nolazaiko momba ny taranak’Israely aman-taranak’i Jodà. Amin’izany andro izany, sy aman’izany fotoana izany, hampitsimoka solofo marina ho an’i Davida Aho, izay hitsara araka ny hitsiny sy ny rariny amin’ny tany. Amin’izany andro izany i Jodà, hovonjena ary i Jerosalema handry feizay, ka hantsoina hoe : Tompo-fahamarinantsika.
Izany àry ny Tenin’ny Tompo	-	Hisaorana anie Andriamanitra !

& VAKITENY MASINA faharoa
Taratasy voalohan’i Md. Paoly Apostôly ho an’ny kristianina tany Tesalônika			1 Tes. 3, 12 – 4, 2
Ry Kristianina havana, ny Tompo anie hampitombo sy hampandroso anareo amin’ny fifankatiavanareo, sy amin’ny fitiavanareo ny olona rehetra, tahaka anay aminareo izao ! Hankahery ny fonareo anie Izy, ary hiaro azy tsy hanan-tsiny amin’ny fahamarinana eo anatrehan’Andriamanitra Raintsika, ho amin’ny fahatongavan’i Jesoa Kristy Tompontsika mbamin’ny olomasiny rehetra. Amen. Farany, ry Kristianina havana, izao no angatahinay sy ihantanay aminareo ao amin’i Jesoa Tompo : efa nianaranareo taminay izay fitondran-tena mety hankasitrahin’Andriamanitra sady efa arahinareo koa, ka mandrosoa mandrakariva amin’ny fandehanana araka izany. Efa fantatrareo rahateo ny didy nomenay anareo avy amin’i Jesoa Kristy.
Izany àry ny Tenin’ny Tompo	-	Hisaorana anie Andriamanitra !

& evanjely masina
Evanjely Masina nosoratan’i Md. Lioka			Lk. 21, 25 – 28. 34 – 36
Tamin’izany andro izany i Jesoa nilaza tamin’ny mpianany hoe : « Hisy famantarana eny amin’ny masoandro sy ny volana ary ny kintana, ary ety an-tany dia ho ory sy very hevitra ny firenena noho ny fikotrokotroky ny ranomasina sy ny onjany ; ho ankona foana ny olona noho ny fahatahorany sy ny fiandrasany izay loza hanjo an’izao tontolo izao, fa hihozongozona ny herin’ny lanitra. Dia ho hita amin’izay ny Zanak’Olona avy any ambonin’ny rahona amim-pahefana sy voninahitra lehibe. Raha vao miantomboka izany zavatra izany, dia miandrandrà ka asandrato ny lohanareo, fa efa akaiky ny fanavotana anareo. Tandremo àry fandrao vesaran’ny fihinanan-doatra sy ny fimamoana ary ny fiahiana izao fiainana izao ny fonareo, ka tratrany tonga tampoka aminareo anie izany andro izany e ! Fa ho sahala amin’ny fandrika hahavoa ny olona rehetra mitoetra eto ambonin’ny tany izany. Koa miambena àry, ary mivavaha mandrakariva mba ho mendrika ho afaka amin’izany loza rehetra tsy maintsy tonga izany ianareo, ka hitsangana hiseho eo anatrehan’ny Zanak’Olona ».
Izany àry ny Tenin’ny Tompo	-	Dera anie ho Anao, ry Kristy !

	( fifampizarana
	Osons l’humilité dans notre vie. En ce début de l’année liturgique, période de l’Avent, j’aimerais partager avec vous ce défi. « L’Avent » est une période de préparation pour accueillir le Messie, notre Sauveur. « Amboary ny lalan’ny Tompo, ahitsio izay melomeloka rehetra » - Accueillons le Seigneur dans la droiture et dans le bon chemin. Surtout ne nous trompons pas de sens car beaucoup de choses et d’évènements peuvent nous détourner du vrai chemin de Dieu, celui de la vérité, de l’amour et de la sainteté. Souvent nous sommes tentés par la route de la servitude : plaisirs, débauche, violence, jalousie, pouvoir, argent, honneur, soucis de la vie…changeons nos comportements et osons l’humilité : - Comme Jean Baptiste qui s’adressa aux foules qui venaient se faire baptiser et qui se demandaient s’il est le Messie : « Moi, je vous baptise avec de l’eau ; mais Il vient, Celui qui est plus puissant que moi. Je ne suis pas digne de défaire la courroie de ses sandales. Lui vous baptisera dans l’Esprit Saint et dans le feu » (Lc 3, 16). - Comme Marie, qui a reçu avec simplicité et avec joie la Parole de Dieu, et a accepté de porter en son sein, le Verbe qui s’est fait chair, Jésus le Fils de Dieu. « Je suis la servante du Seigneur. Que tout se passe pour moi comme tu l’as dit ! » (Lc 1, 38). - Comme Joseph, un charpentier et fiancé de Marie, qui a adopté le dessein de Dieu sans hésitation ni arrière-pensée. « Joseph monta en Galilée pour se faire recenser avec Marie son épouse, qui était enceinte » (Lc 2, 4-5). - Enfin comme l’Enfant Jésus, un Dieu né dans la mangeoire pour partager notre condition humaine, non pas dans l’opulence ni dans l’ostentation, mais dans la pauvreté et dans le dépouillement (Lc 2, 6). L’effacement de Jean Baptiste, la simplicité et la disponibilité de Marie, l’engagement sans faille de Joseph face au dessein de Dieu, le dépouillement de Dieu doivent être sources d’inspiration pour nous chrétiens pour niveler nos fausses grandeurs, pour nous libérer des fausses sécurités, pour nous ouvrir à l’Esprit de vérité, de justice et de charité. Alors osons l’humilité et cherchons une vraie forme d’existence conforme à notre foi de baptisés en Jésus-Christ.
	Pierre RAZAFIMAHATRATRA
	Vaomieran’ny Finoana
¦ soritr’asa manaraka
1.		ASSEMBLEE PAROISSIALE – ANKOHONAM-PIANGONANA : Araka ny torimarika pastôraly eto amin’ny Diosezy dia manatanteraka izany Assemblée Paroissiale izany isika androany Alahady 29 novambra 2009 : « Ankohonam-Piangonana ». Sady fibeazana io no fampisehoana ny maha-mpianakavy antsika atambatry ny Eokaristia ary samy irahana eo anivon’ny mpiara-belona : « EUCHARISTIE ET MISSION ».
2.		HASIN’ANDRIMANITRA NA DENIER DE L’EGISE 2009 ETO AMIN’NY FKMP : Efa nanomboka tamin’ny alahady 15 novambra teo ny fanentanana antsika mianakavy amin’ny adidy fanao isan-taona eo amin’ny Hasin’Andriamanitra na Denier de l’Eglise. Tsapatsika tokoa fa mila enti-manana ny asa fandraharahana rehetra eto amin’ny Fiangonana, ka notanterahanareo ny tenin’ny Soratra Masina hoe : « fa teren’ny fitiavan’i Kristy antsika izahay…. » 2 Kôr. 5, 14. Fitia tsy mba hetra, mari-pitiavana, fifanohanana satria izay tsy mahay sobika mahay fatam-bary e, hoy isika Malagasy. Samy manome izay foiny, fa izay tia mahafoy e. Koa manainga antsika rehetra isam-batan’olona, isan-tokantrano, na tanora na lehibe araka izay vitantsika, araka izay fointsika satria izay no mahafaly an’Andriamanitra, ary mari-pitiavana asehonao ny Fiangonana ; « Samia manao araka izay efa nokasainy tao am-pony avy, tsy amin’alahelo na an-tery, fa mpanome an-kafaliana no sitrak’Andriamanitra” 2 Kôr. 9, 7
3.		FIANARANA KATESIZY SY FANOMANANA NY NOELY : Ny fianarana katesizy dia efa nanomboka ka isaky ny alahady amin’ny 3 ora tolak’andro ao amin’ny Chapelle Saint Paul. Koa mamporisika ny ray aman-dreny hitondra sy handefa ny zanany. Ny Alahady voalohan’ny volana dia an’ny Vaomieran’ny Kolontsaina, fampitana ny Kolontsaina sy ny teny malagasy. Efa manomboka koa ny fanomanan’ny zanatsika ny Noely : hira sy tsianjery.
4.		FRAT 2010 : Le FRAT est un pèlerinage voulu et animé par les évêques d’Ile de France. Temps de rassemblement des jeunes chrétiens des huit diocèses, il est aussi un lieu de rencontre des autres pèlerins, dont des personnes handicapées et malades. En 2010, le Frat donne rendez-vous aux lycéens (15 – 17 ans) à Lourdes, sur le thème « Seigneur, apprends nous à prier » du 21 soir au 26 avril matin ! La FKMP va constituer un groupe pour y participer. Antsoina am-pitiavana ny ray aman-dreny manan-janaka (anatin'ireo taona voalaza ireo na any amin'ny lycée kilasy 2^nd – 1^ère – Terminales) hijanona aorian'ny Lamesa hifampidinika momba izany miaraka amin'ny mpanabe.

” FIZARANA ANDRAIKITRA
1.	MANENTANA LITORIZIA : 06/12/2009 : SAMPANA ANTOKO MPIHIRA « Feon’Anjomara »
2.	MANADIO FIANGONANA : 05/12/2009 : VAOMIERAN’NY FITANTANANA